Uyghur rayon rehberliri 2013-yilida yenimu qattiq qol bolushni telep qildi

Uyghur éli da'iriliri 2013-yili Uyghur élining muqimliqigha kapaletlik qilish üchün téximu qattiq qol bolushni telep qildi. Xelq gézitining xewiridin qarighanda, ötken jüme küni chaqirilghan 2013-yilliq muqimliq xizmiti yighinida Uyghur rayonluq partkom sékrétari jang chünshyen Uyghur élining muqimliq ehwali üstide alahide toxtalghan.
Muxbirimiz irade
2013-01-01
Élxet
Pikir
Share
Print

U ötken bir yilda Uyghur élide zorawanliq we térrorluq heriketlirini bix halitide ujuqturush nisbiti 96 pirsentke yetken bolsimu, muqimliq asasining yenila ajizliqini eskertip, zerbe bérish xizmitide téximu qattiq qol bolushni, uchur igileshni, intérnét tor bétini nazaret qilishni, nuqtiliq orun we shexslerni bashqurushni téximu kücheytishni telep qilghan.

Yighinda Uyghur rayonning re'isi nur bekrimu söz qilip, térrorchilargha qilchimu rehim-shepqet qilmay, "2 Minut ichide inkas qayturush" deydighan prinsip boyiche ish körüp, térrorluq weqelirining qayta yüz bérishining aldini élish kérek, dégen.

Dunya Uyghur qurultiyining bayanatchisi dilshat rishit bügün yuqiridiki sözlerge inkas qayturdi. U, yuqiridiki rehberlerning ötken tejribilerdin sawaq élishning ornigha yenimu qattiq qol bolushni tekitligenlikige naraziliq bildürdi. U, xitay da'irilirining yéngi yilda Uyghur xelqige qaratqan basturushni kücheytmekchi boluwatqanliqini eskertip, Uyghur rayonida dölet térrorchiliqidin bashqa héchqandaq térror herikitining yoqluqini bildürdi.

Toluq bet