Йеңи йил һарписида уйғур районида қаттиқ зәрбә бериш башланди

Дуня уйғур қурултийиниң баянатчиси дилшат ришитниң радиомизға хәвәр қилишичә, уйғур районида йеңи йил алдида җәмийәт аманлиқини түзәш баһаниси билән уйғурларға қарита йәнә бир қетимлиқ қаттиқ зәрбә бериш һәрикити башланған.
Мухбиримиз ирадә
2010-12-23
Елхәт
Пикир
Share
Принт

Игилинишичә, һазир уйғур районниң җәнуб вә шималидин үрүмчигә келидиған һәрқайси йолучи бекәтлирини сақчилар қаттиқ тәкшүрүватқан болуп, улар һечқандақ қануний рәсмийити болмиған асаста кишиләрни, болупму уйғурларни қаттиқ тәқиб астиға елип, уларниң үсти - бешини халиғанчә тәкшүрүп, халиғанчә қолға алмақта икән.

Дилшат ришитниң ейтишичә, чаршәнбә күни чүштин кейин үрүмчи җәнуби вогзалида 6 нәпәр уйғур, сақчиларниң ахтурушиға учриған вә кейин қолға елинип кәткән болуп, уларниң көпинчиси аял кишиләр икән.

Истансимиз хитайчә бөлүминиң мухбири вәқәни ениқлаш үчүн җәнубий вогзал сақчиханисиға телефон қилғинида, сақчи вәқәниң растлиқини дәлиллигән вә 6 нәпәр кишиниң йенида кимлики болмиғанлиқтин қолға елинғанлиқини, тәкшүрүлүп болғандин кейин қоюветилгәнликини ейтқан. У йәнә һазир үрүмчидә һәр қайси бекәтләрдә бихәтәрлик тәкшүрүш, чарлаш хизмәтлириниң қаттиқ елип бериливатқанлиқини ейтқан.

Дуня уйғур қурултийиниң баянатчиси дилшат ришит әпәнди болса, хитай даирилириниң бу хил қаттиқ зәрбә бериш вә чарлаш һәрикәтлириниң пәқәтла уйғурларнила нишан қилғанлиқини, әксичә хитайдин келиватқан миңлиған хитай көчмәнлириниң бундақ муамилигә учримайдиғанлиқини билдүрүп, бу хил һәрикәтләрниң икки милләт арисидики миллий зиддийәтни техиму өткүрләштүрүветидиғанлиқини ейтти.

Пикирләр (0)
Share
Толуқ бәт