Qazaqistan özining xitay bilen bolghan chégra qarawulxanisining 12 xadimining öltürülgenlikini xewer qildi

Qazaqistan metbu'atliri peyshenbe küni qazaqistan-xitay chégrasidiki chégra qarawulxanisining 12 neper chégra qoghdighuchisining öltürülgenlikini xewer qildi.
Muxbirimiz irade
2012-05-31
Élxet
Pikir
Share
Print

Yawro-asiya xewerler torining éytishiche, qazaqistan chégra mudapi'e da'iriliri tarqatqan resmiy uchurda, bu 12 neper chégra muhapizetchisining jesitining xitay bilen chégridash bolghan arghankergen, dep atilidighan qarawulxanidin tépilghanliqi xewer qilin'ghan. Arghankergen chégra ponkiti Uyghur éli bilen qazaqistan chégrilinidighan alataw éghizigha yéqin jaygha jaylashqan.

Yawro-asiya xewerler torining éytishiche, qazaqistan da'iriliri bu heqte bir-birige oxshimaydighan uchurlarni tarqatqan. Ular deslepte bu jesetler bayqalghanda yénida qoral yoqluqini, qorallarning oghrilap kétilgen bolushi mumkinlikini éytqan. Emma kéyinki xewerlerde, jesetlerning yénidiki qoral bilen birlikte bayqalghanliqi, nöwette bu qorallarning eyni waqitta terepler arisida étishish bolghan yaki bolmighanliqini éniqlash üchün tekshürülüwatqanliqi bildürülgen.

Xewerlerdiki éniqsiz nuqtilar bula emes. Da'iriler bu jesetlerning köydürülgenlikini éytqan bolsimu, emma weqening sewebi körsetmigen. Bundin sirt yene, qarawulxanida adette 15 kishining postta turidighanliqi, emma ularning 12 si ölgen bolsa, qalghan 3 kishining aqiwitining néme bolghanliqi jawabsiz qalghan.

Nöwette, bu weqe türlük tehlil we perezlerni qozghimaqta.

Toluq bet