Қәшқәр пойиз истансисида уйғур оқуғучиниң компютерини тәкшүрүш наразилиқ қозғиди

Йеқинда хитай өлкисидә оқуватқан бир оқуғучи микро блогда қәшқәр вогзалидики тәкшүргүчиләрниң униң қолидики кимликниң хитай өлкисидин тарқитилғанлиқини билгәндин кейин, униң йенида елип йүридиған компютерини алаһидә тәкшүргәнликини баян қилип наразилиқини ипадилигән.
Мухбиримиз меһрибан
2012-08-31
Елхәт
Пикир
Share
Принт

Бу оқуғучи микро блогда йәнә төмүрйол тармақлириға учур йоллап, қәшқәр вогзалидики радиода пәқәтла хитай тилида аңлитиш берилгәнликини инкас қилип, уйғурлар көп санни игиләйдиған қәшқәр вогзалида уйғурчә аңлитиш йоқлуқини инкас қилған. Уйғур биз тори мухбириниң бу һәқтә бәргән учуридин мәлум болушичә, үрүмчи төмүрйол идариси бу оқуғучиниң наразилиқиға инкас қайтуруп, униң компютериниң тәкшүрүлүши нормал икәнликини, һәргизму мәлум милләткә қаритилмиғанлиқини билдүргән. Шуниңдәк уйғур районидики қатнаш тармақлирида қош тил мулазимити барлиқини, қәшқәр вогзалидиму уйғурчә аңлитиш берилидиғанлиқини изаһлиған.

Радиомиз игилигән башқа учурлардин мәлум болушичә, йеқинқи йиллардин буян уйғурларға қаритилған тәкшүрүш барғанчә күчәйтилгән. Болупму 2-сентәбир башлиниш алдида турған явро-асия йәрмәнкиси мәзгилидә қаттиқ бихәтәрлик тәдбирлири елинип, һәрқайси қатнаш түгүнлиридики тәкшүрүш техиму күчәйтилгән.

Пикирләр (0)
Share
Толуқ бәт