Qeshqer poyiz istansisida Uyghur oqughuchining kompyutérini tekshürüsh naraziliq qozghidi

Yéqinda xitay ölkiside oquwatqan bir oqughuchi mikro blogda qeshqer wogzalidiki tekshürgüchilerning uning qolidiki kimlikning xitay ölkisidin tarqitilghanliqini bilgendin kéyin, uning yénida élip yüridighan kompyutérini alahide tekshürgenlikini bayan qilip naraziliqini ipadiligen.
Muxbirimiz méhriban
2012-08-31
Élxet
Pikir
Share
Print

Bu oqughuchi mikro blogda yene tömüryol tarmaqlirigha uchur yollap, qeshqer wogzalidiki radi'oda peqetla xitay tilida anglitish bérilgenlikini inkas qilip, Uyghurlar köp sanni igileydighan qeshqer wogzalida Uyghurche anglitish yoqluqini inkas qilghan. Uyghur biz tori muxbirining bu heqte bergen uchuridin melum bolushiche, ürümchi tömüryol idarisi bu oqughuchining naraziliqigha inkas qayturup, uning kompyutérining tekshürülüshi normal ikenlikini, hergizmu melum milletke qaritilmighanliqini bildürgen. Shuningdek Uyghur rayonidiki qatnash tarmaqlirida qosh til mulazimiti barliqini, qeshqer wogzalidimu Uyghurche anglitish bérilidighanliqini izahlighan.

Radi'omiz igiligen bashqa uchurlardin melum bolushiche, yéqinqi yillardin buyan Uyghurlargha qaritilghan tekshürüsh barghanche kücheytilgen. Bolupmu 2-séntebir bashlinish aldida turghan yawro-asiya yermenkisi mezgilide qattiq bixeterlik tedbirliri élinip, herqaysi qatnash tügünliridiki tekshürüsh téximu kücheytilgen.

Toluq bet