Қәшқәрдә 1300 йилдин артуқ тарихқа игә ханлиқ мәдрис чеқип ташланди

Қәшқәрдики уйғурларниң инкасиға қариғанда, 1300 йилдин артуқ тарихқа игә қәшқәр ханлиқ мәдриси хитай даирилириниң қәшқәр қәдимий шәһәр рәстилирини чеқип түзәш пилани бойичә чеқип ташланған.
Мухбиримиз гүлчеһрә
2009-06-16
Елхәт
Пикир
Share
Принт

13 - Июн қәшқәрдики өй чеқишқа мәсул орунлар топа иттириш машинилири билән ханлиқ мәдрисини чиқишқа киришкән, гәрчә мәзкур мәдрис нәччә йүз йил бурун селинған имарәт болсиму, йәнила интайин мәзмут сақланған болғачқа, даириләрниң мәзкур мәсчитни чеқиш ишлири төт күндин буян давамлашмақта икән.

Қәшқәр ханлиқ мәдриси азна мәсчит билән бир туташ болуп сәидийә ханлиқиниң ахирқи мәзгиллиридә тәхминән милади 1625 ‏ - йиллири бәрпа қилинған, қәшқәрдә һазирға қәдәр мукәммәл сақланған ислам мемарчилиқиниң намайәндиси шундақла бу мәдрис 1933 - йилиға кәлгәндә қәшқәр шәһәрлик 1 - башланғуч мәктәпкә қошулуп кәткән.

Мәзкур мәдрисә, қурулған дәвирләрдин башлап дуняниң һәр қайси җайлиридин кәлгән алим, пәйласоп, шаирлар илим тәһсил қилған, оттура асия,оттура шәрқ әллиригә даңқи кәткән илим юрти болған. Мәзкур мәдрисә түркий милләтләрниң аләмшумул алими мәһмуд қәшқиригә охшаш уйғурларниң пәхирлик алим, өлималириға билим бәргән мәдрисә иди.

Инкас қилғучиларниң билдүрүшичә, мәдрис чеқилғанда униң темида 1996 - йили есилған аптоном район бойичә 1 - дәриҗилик қоғдилидиған орун дегән вивиска бар иди.

Пикирләр (0)
Share
Толуқ бәт