Қирғизистанда парламент сайлиминиң тәйярлиқи җиддий давамлишиватиду

Шинхуа агентлиқиниң бишкәктин баян қилишичә, қирғизистанда һазир парламент сайлиминиң тәйярлиқи җиддий давамлишиватиду. Сайламға қатнишиш салаһийити бекитилип болған 29 сиясий партийиниң һәммиси сайлам риқабитини башливәтти. Қирғизистан һөкүмити бу сайлам үчүн үч милйон бир йүз миң америка доллири аҗратти.
Мухбиримиз вәли
2010-09-29
Елхәт
Пикир
Share
Принт

Хәвәрдә ейтилишичә, қирғизистанда буйил 4‏ - айда топилаң йүз бәргәндин кейин, өктичиләр вақитлиқ һөкүмәт қуруп, қирғизистан парламентини тарқитивәткән; 6‏ - айниң 27‏ - күнидики омум хәлқ аваз қоюшта, қирғизистанниң йеңи асасий қануни мақулланған; қирғизистанниң дөләт түзүми президентлиқ түзүмдин парламент түзүмигә өтидиғанлиқини бәлгилигән; вақитлиқ һөкүмәт баш министири роза отунбайева қирғизистанниң вақитлиқ президентлиқиға бәлгиләнгән иди.

Шуниңдин кейин өткүнчи президент роза отунбайева 8‏ - айниң 9‏ - күни баянат елан қилип, қирғизистанниң 1‏ - қетимлиқ йеңи парламентиниң 10‏ - айниң 10‏ - күни сайлап чиқилидиғанлиқини җакарлиған иди.

Пикирләр (0)
Share
Толуқ бәт