Қирғизистан вақитлиқ һөкүмити тоқунушни тохтитиш үчүн қорал ишлитишни қарар қилди

Қирғизистанниң җәнубидики ош шәһиридә өзбекләр билән қирғизлар аридики етник тоқунуш икки сотка давамлашқандин кейин, қирғизистан вақитлиқ һөкүмити бир қисим һәрбий қошунларни ош райониға йөткәш вә вәзийәтни нормаллаштуруш һәм тәртип орнитиш йолида қорал ишлитиш буйруқи елан қилди.
Мухбиримиз үмидвар
2010-06-13
Елхәт
Пикир
Share
Принт

Қирғизистанниң 24.Кг агентлиқи вә русийә мәтбуатлириниң хәвәр қилишичә, мәзкур буйруқ 13 - июндин етибарән рәсмий күчкә игә болған.

Әң йеңи учурларда көрситилишичә, 13 - июнғичә болған арилиқта ош вә җалалабадтики тоқунушта 100 дин артуқ адәм өлгән вә 1000 дин артуқ адәм яриланған. Ош районида һәрбий һаләт елан қилинған.

Фәрғанә агентлиқиниң хәвәрлиридә көрситилишичә, 13 - июн күни қирғизистан қошунлири ош шәһирини контроллуқ астиға елип, тоқунушни тохтатқан болсиму, бирақ ошта йемәк - ичмәк йетишмәслик көрүлгән. Шу сәвәбтин қирғизистанниң башқа җайлиридин ошқа ярдәм йәткүзүш башланған.

24.Кг агентлиқиниң йезишичә, җалалабад шәһридиму тоқунуш йүз берип, аз дегәндә 12 адәм өлгән. 13 - Июндин етибарән пүтүн җалал абад области тәвәсидә җиддий һәрбий һаләт елан қилип, алаһидә қисимлар җалал абад шәһиригә киргән. 
Пикирләр (0)
Share
Толуқ бәт