Qirghizistan waqitliq hökümiti toqunushni toxtitish üchün qoral ishlitishni qarar qildi

Qirghizistanning jenubidiki osh shehiride özbékler bilen qirghizlar aridiki étnik toqunush ikki sotka dawamlashqandin kéyin, qirghizistan waqitliq hökümiti bir qisim herbiy qoshunlarni osh rayonigha yötkesh we weziyetni normallashturush hem tertip ornitish yolida qoral ishlitish buyruqi élan qildi.
Muxbirimiz ümidwar
2010-06-13
Élxet
Pikir
Share
Print

Qirghizistanning 24.Kg agéntliqi we rusiye metbu'atlirining xewer qilishiche, mezkur buyruq 13 - iyundin étibaren resmiy küchke ige bolghan.

Eng yéngi uchurlarda körsitilishiche, 13 - iyun'ghiche bolghan ariliqta osh we jalal'abadtiki toqunushta 100 din artuq adem ölgen we 1000 din artuq adem yarilan'ghan. Osh rayonida herbiy halet élan qilin'ghan.

Ferghane agéntliqining xewerliride körsitilishiche, 13 - iyun küni qirghizistan qoshunliri osh shehirini kontrolluq astigha élip, toqunushni toxtatqan bolsimu, biraq oshta yémek - ichmek yétishmeslik körülgen. Shu sewebtin qirghizistanning bashqa jayliridin oshqa yardem yetküzüsh bashlan'ghan.

24.Kg agéntliqining yézishiche, jalal'abad shehridimu toqunush yüz bérip, az dégende 12 adem ölgen. 13 - Iyundin étibaren pütün jalal abad oblasti teweside jiddiy herbiy halet élan qilip, alahide qisimlar jalal abad shehirige kirgen. 
Toluq bet