Qirghizistanda yéngi asasiy qanunni qobul qilish boyiche ammiwi bélet tashlash ötküzüldi

27 - Iyun küni qirghizistanda yéngi asasiy qanunni himaye qilish boyiche ammiwi bélet tashlash élip bérildi. Mezkur référéndomning asasiy mezmuni yéngi asasiy qanunni qobul qilish yaki qilmasliq, roza otunbayéwaning ötkünchi dewrdiki prézidéntliq salahiyitini étirap qilish yaki qilmasliq qatarliq mezmunlarni öz ichige alidiken.
Muxbirimiz ümidwar
2010-06-27
Élxet
Pikir
Share
Print

Bélet tashlash pütün memliket boyiche ötküzülgen bolup, özbékler bilen qirghizlar arisida qanliq toqunush bolghan osh shehiridiki bélet tashlashqa roza otunbayéwa özi biwasite rehberlik qilghan.

Qirghizistanning 24.Kg uchur torining xewer qilishiche, yekshenbe küni kechkiche bélet tashlighanlarning nisbiti 62 % ke yetken bolup, moskwa we bashqa sheherlerdiki qirghizistanliqlarmu bélet tashlighan. Qirghizistan waqitliq hökümiti référéndomning muweppeqiyetlik bolghanliqi, yéngi asasiy qanunning küchke ige bolup, qirghizistanda parlaméntliq dölet tüzümining emelge ashidighanliqini ilgiri sürgen.

27 - Iyundiki référéndomdin ilgiri bishkek, osh we bashqa jaylarda jiddiy keypiyat dawamlashqan bolup, kishiler bu künide sabiq prézidént baqiyéf terepdarlirining yene mesile peyda qilishidin ensirigen idi.

Qirghizistan bixeterlik qisimliri bélet tashlash ponkitlirining tertipi we bixeterlikini qoghdighanliqi melum. Biraq, hazirqi waqitliq hökümetke öktichilik qiliwatqan guruppilar "oshta qanliq toqunush kélip chiqqan waqitta ammiwi bélet tashlash élip bérish toghra emes", dep qarshi chiqqan.

Toluq bet