Қирғизистанда парламент сайлими болди

Йәкшәнбә күни қирғизистанда пүтүн мәмликәт бойичә парламент сайлими болуп өтти. Бу сайламға қирғизистандики 29 партийиниң 3000 дин артуқ намзати өзини көрсәткән болуп, әң ахирида 120 орундин тәркип тапқан парламент сайлам чиқилиду.
Мухбиримиз үмидвар
2010-10-10
Елхәт
Пикир
Share
Принт

Қирғизистан агентлиқлириниң хәвәр қилишичә, пүтүн қирғизистан бойичә икки милйон 800 миң адәм өзини тизимлатқан.

Бүгүнки сайлам нәтиҗиси арқилиқ қирғизистан парламент дөлити сүпитидә қирғизистанниң дөләт ишлирини парламент һәл қилидиған, президентниң һәддидин зиядә һоқуқи чәклимигә учрайдиған система вуҗудқа кәлтүрүлмәкчи. Қирғизистан хәвәрлиридин ашкарилинишичә, сайламға 55% адәм қатнашқан.
 
Оттура асия учур ториниң йезишичә, бәзи сайлам понкитлирида сайламға хилап қилмишлар йүз бәргән, сайлам мәйданлириниң тәртипини қоғдаш үчүн 7 миңдин артуқ сақчи вә 14 миңдин артуқ хәлқ пидайиси ишқа селинған.
 
Қирғизистан һөкүмити сайлам мунасивити билән бирәр қалаймиқанчилиқ вәқәсиниң йүз берип қелишиниң алдини елишқа тиришқан. Пүтүн қирғизистан бойичә 2200 дин артуқ беләт ташлаш понкити тәсис қилинған болуп, һазирчә сайлам нәтиҗиси техи ениқ әмәс.

 
Пикирләр (0)
Share
Толуқ бәт