Xitay da'iriliri rabiye qadir xanim ilikidiki ikki binani chaqmaqchi

Xitay da'iriliri Uyghur milliy herikiti rehbiri rabiye qadir xanimning türmidiki oghullirigha bésim ishlitip, ularni öz ilikidiki ikki binaning igidarliq hoquqini ötküzüp bérishke mejburlighan bolup, bu rabiye qadir xanimning qattiq eyiblishige uchridi.
Muxbirimiz jüme
2012-05-30
Élxet
Pikir
Share
Print

Uyghur amérika jem'iyiti 29-may élan qilghan bayanatqa qarighanda, ürümchi sheherlik sot xadimliri türmidin yalap élip kélin'gen alim abduréhimgha "Rabiye qadir soda sariyi" we "Eqide soda sariyi" ning ikki hepte ichide chéqilidighanliqini bildürgen.

Bayanatqa qarighanda, sot xadimliri yuqiriqi ikki binagha azraqla tölem bergendin bashqa, jaza mudditini 6 ay qisqartishni wede qilip alim abduréhimni binaning igidarliq hoquqini ötküzüp bérishe qistighan.

Bayanatta neqil qilishiche, xitayning bu qilmishini eyibligen rabiye qadir xanim: xitay da'iriliri xitay qanuni we eqelliy ademgerchilikkimu qarshi halda türmidiki oghullirimni xorlashtin toxtighini yoq, dégen.

Rabiye qadir xanim yene xitay hökümitini perzentlirige qaritilghan qanunsiz we wehshiy xorlashlarni ayaghlashturushqa chaqirghan.

2009-Yilidiki "5-Iyul weqesi" de rabiye qadir xanimni eyibligen xitay hökümiti uning igidarliqidiki soda saraylirini tartiwélip, uning mezku binalardiki a'ile-tawabi'atlirining hemmisini köchürüwetken idi.

Toluq bet