Рабийә қадир тәйвән һөкүмити үстидин әрз сунуши мумкин

Франсийә агентлиқиниң тәйбейдин баян қилишичә, тәйвән даирилири өткән һәптидә муһаҗирәттики уйғур рәһбири рабийә қадирға виза бәрмәйдиғанлиқини җакарлиғанда, униң тәшкилати шәрқий түркистан ислам һәрикити билән қоюқ мунасивәттә болған, дәп сәвәп көрсәткән иди.
Мухбиримиз вәли
2009-09-30
Елхәт
Пикир
Share
Принт

Муһаҗирәттики уйғур рәһбири рабийә қадир тәйвән даирилириниң бундақ әйиблишини кәскин рәт қилди вә әгәр тәйвән һөкүмити әпу соримиса, тәйвән һөкүмити үстидин әрз қилидиғанлиқини билдүрди.
 
Тәйвәндә коммунист партийигә қарши туридиған яшлар тәтшкилати бүгүн елан қилған баянатида, "тәйвән һөкүмити рабийә қадирни әйиблигәнлики үчүн әпу сориши керәк," дәп җакарлиди.

Хәвәрдә ейтилишичә, рабийә ханим йәрлик тәйвәнликләрниң 'тез хәвәр җурнили'ниң зияритини қобул қилғанда, рабийә ханим өзиниң тәшкилатини шәрқий түркистан ислам һәрикити дегән тәшкилат билән һечқандақ алақиси йоқ, дәп җакарлиған вә тәйвән даирилириниң бу гәплири коммунист хитай һөкүмити дәп келиватқан гәпләр, пүтүн дуня хитайниң ялғанчилиқ қилғанлиқини аллиқачан билип йәткәнлики үчүн, мени йеқинда 'үрүмчи вәқәси' гә қоманданлиқ қилди, дегән гәплиригә ишәнмиди, әмма тәйвән бир демократик дөләт болуп туруғлуқ, мениң бу америка қоллаватқан тәшкилатимни пакитсиз әйиблигәнлики бир мәсулийәтсизлик, дәп көрсәткән иди.

Хәвәрдә ейтилишичә йәнә, тәйвәнниң муавин ички ишлар министири чен тәйлаң төнүгүнки баянатида 'биз рабийә қадирни терррочи дәп атимиған идуқ, шуңлашқа әпу сораш һаҗәтсиз' дәп чүшәндүргән иди.
 
Пикирләр (0)
Share
Толуқ бәт