Rabiye qadir teywen hökümiti üstidin erz sunushi mumkin

Fransiye agéntliqining teybéydin bayan qilishiche, teywen da'iriliri ötken heptide muhajirettiki Uyghur rehbiri rabiye qadirgha wiza bermeydighanliqini jakarlighanda, uning teshkilati sherqiy türkistan islam herikiti bilen qoyuq munasiwette bolghan, dep sewep körsetken idi.
Muxbirimiz weli
2009-09-30
Élxet
Pikir
Share
Print

Muhajirettiki Uyghur rehbiri rabiye qadir teywen da'irilirining bundaq eyiblishini keskin ret qildi we eger teywen hökümiti epu sorimisa, teywen hökümiti üstidin erz qilidighanliqini bildürdi.
 
Teywende kommunist partiyige qarshi turidighan yashlar tetshkilati bügün élan qilghan bayanatida, "teywen hökümiti rabiye qadirni eyibligenliki üchün epu sorishi kérek," dep jakarlidi.

Xewerde éytilishiche, rabiye xanim yerlik teywenliklerning 'téz xewer jurnili'ning ziyaritini qobul qilghanda, rabiye xanim özining teshkilatini sherqiy türkistan islam herikiti dégen teshkilat bilen héchqandaq alaqisi yoq, dep jakarlighan we teywen da'irilirining bu gepliri kommunist xitay hökümiti dep kéliwatqan gepler, pütün dunya xitayning yalghanchiliq qilghanliqini alliqachan bilip yetkenliki üchün, méni yéqinda 'ürümchi weqesi' ge qomandanliq qildi, dégen geplirige ishenmidi, emma teywen bir démokratik dölet bolup turughluq, méning bu amérika qollawatqan teshkilatimni pakitsiz eyibligenliki bir mes'uliyetsizlik, dep körsetken idi.

Xewerde éytilishiche yene, teywenning mu'awin ichki ishlar ministiri chén teylang tönügünki bayanatida 'biz rabiye qadirni térrrochi dep atimighan iduq, shunglashqa epu sorash hajetsiz' dep chüshendürgen idi.
 
Toluq bet