Xitay rabiye qadir xanimning awstraliye ziyaritige naraziliq bildürdi

Xitay tashqi ishlar ministirliqining bayanatchisi jyang yü rabiye qadir xanimning awstraliyige élip baridighan ziyaritige étiraz bildürdi.
Muxbirimiz irade
2011-03-17
Élxet
Pikir
Share
Print

Téxi tünügün awstraliye da'iriliri xitayning awstraliyining rabiye xanimgha wiza bérishige tosqunluq qilishqa urunidighan birer herikette bolmighanliqini éytip turushigha, bügün yeni peyshenbe küni xitay tashqi ishlar ministirliqining bayanatchisi jyang yü söz qilip "Rabiye qadir xitayni parchilash üchün heriket qiliwatqan bir bölgünchi, biz herqandaq bir döletning uning xitayni parchilash pa'aliyetlirige sehne hazirlap bérishige qet'iy qarshimiz. Menche awstraliyimu bizning bu meydanimizni nahayiti obdan bilidu" dédi.

Rabiye qadir xanim kéler hepte awstraliyide échilidighan démokratiye bilen terbiyilesh kursi üchün awstraliyige méngish aldida turuwatqan bolup, u wiza resmiyetlirinimu béjirip bolghan.

Rabiye xanim 2009-yili awstraliyidiki mélborn filim féstiwaligha qatnishish üchün barmaqchi bolghanda, xitay da'irilirining qattiq tosqunluq qilishigha uchrighan. Emma awstraliye da'iriliri xitayning shunche bésimigha qarimay rabiye xanimgha wiza bergen idi. Weqe eyni waqitta dunya axbarat wasitiliride keng yer alghan we bu xitayning diplomatik setchiliki bolup qalghan idi.

Toluq bet