Рабийә қадир ханим йеңи зеландийидә нутуқ сөзләшкә тәклип қилинди

Уйғур миллий һәрикити рәһбири рабийә қадир ханим йеңи зеландийидә нутуқ сөзләшкә тәклип қилинди. Франсийә агентлиқиниң көрситишичә, рабийә қадир ханимни йиңи зеландийә йешиллар партийиси тәклип қилған.
Мухбиримиз җүмә
2009-10-05
Елхәт
Пикир
Share
Принт

Мәлум болушичә, рабийә қадир ханим йеңи зелландийидә 12 - өктәбирдин 15 ‏- өктәбиргичә зиярәттә болидикән. У, бу җәрянда йеңи зеландийә парламент әзалири билән учришидикән вә икки аммиви йиғилишта нутуқ сөзләйдикән.

Бу һәқтә тохталған йеңи зелландийә баш министири җон кей дүшәнбә күни, рабийә қадир ханимға виза бериш - бәрмәслик үстидә йеңи зелландийә һөкүмитиниң техи қарар алалмиғанлиқини билдүрди.

Мәлум болушичә, хитай һөкүмити рабийә қадир ханимниң йеңи зеландийигә тәклип қилинишиға қарита техи ипадә билдүрмигән.

Бу һәқтә тохталған йеңи зеландийә йешиллар партийиси ташқи ишлар баянатчиси кейс локи, әгәр йеңи зелландийә һөкүмити рабийә қадир ханимға виза бәрмисә, буниң йеңи зеландийә хәлқи арисида қаттиқ наразилиқ қозғайдиғанлиқини билдүргән.

Хитай һөкүмити рабийә қадир ханимниң австралийә зияритигә қаттиқ қаршилиқ көрсәткән вә австралийә - хитай мунасивәтлири рабийә қадир ханимға берилгән австралийә визиси сәвәбидин соғуқлашқан иди. 
Пикирләр (0)
Share
Толуқ бәт