Rabiye qadir xanim yéngi zélandiyide nutuq sözleshke teklip qilindi

Uyghur milliy herikiti rehbiri rabiye qadir xanim yéngi zélandiyide nutuq sözleshke teklip qilindi. Fransiye agéntliqining körsitishiche, rabiye qadir xanimni yingi zélandiye yéshillar partiyisi teklip qilghan.
Muxbirimiz jüme
2009-10-05
Élxet
Pikir
Share
Print

Melum bolushiche, rabiye qadir xanim yéngi zéllandiyide 12 - öktebirdin 15 ‏- öktebirgiche ziyarette bolidiken. U, bu jeryanda yéngi zélandiye parlamént ezaliri bilen uchrishidiken we ikki ammiwi yighilishta nutuq sözleydiken.

Bu heqte toxtalghan yéngi zéllandiye bash ministiri jon kéy düshenbe küni, rabiye qadir xanimgha wiza bérish - bermeslik üstide yéngi zéllandiye hökümitining téxi qarar alalmighanliqini bildürdi.

Melum bolushiche, xitay hökümiti rabiye qadir xanimning yéngi zélandiyige teklip qilinishigha qarita téxi ipade bildürmigen.

Bu heqte toxtalghan yéngi zélandiye yéshillar partiyisi tashqi ishlar bayanatchisi kéys loki, eger yéngi zéllandiye hökümiti rabiye qadir xanimgha wiza bermise, buning yéngi zélandiye xelqi arisida qattiq naraziliq qozghaydighanliqini bildürgen.

Xitay hökümiti rabiye qadir xanimning awstraliye ziyaritige qattiq qarshiliq körsetken we awstraliye - xitay munasiwetliri rabiye qadir xanimgha bérilgen awstraliye wizisi sewebidin soghuqlashqan idi. 
Toluq bet