Рабийә қадир ханим җәнвәдики икки йиғин үчүн йолға чиқти

Уйғур миллий һәрикитиниң рәһбири рабийә қадир ханим , җәнвәдә ечилидиған икки хәлқаралиқ йиғинға қатнишиш үчүн, бүгүн чүштин кейин саәт 2 дә вашингитондин йолға чиқти.
Мухбиримиз шоһрәт һошур
2010-02-23
Елхәт
Пикир
Share
Принт

Икки йиғинниң бири хәлқаралиқ кишилик һоқуқ алий йиғини, йәнә бирси болса 4 ‏- нөвәтлик дуня өлүм җазасиға қарши туруш йиғини. Рабийә ханим бу икки йиғинда 5 ‏- июл вәқәсидин кейинки уйғур вәзийити, җүмлидин уйғур тутқунларниң адаләтсиз сотлиниш вә еғир җазалиниш әһвали һәққидә мәлумат бериду.

Рабийә қадир ханим бу қетимқи җәнвә сәпиридә йәнә , бирләшкән дөләтләр тәшкилатиниң алақидар комитетлирини зиярәт қилиду вә уйғур муһаҗирларниң сиясий панаһлиқ ишини асанлаштуруш һәққидә мәсул кишиләр билән көришиду.

Рабийә ханим икки һәптә давам қилидиған бу қетимқи сәпиридә йәнә , германийидә ечилидиған дуня уйғур қурултийиниң даимий комитет йиғиниға қатнишиду.

Пикирләр (0)
Share
Толуқ бәт