ئۇيغۇر مىللىي ھەرىكىتىنىڭ رەھبىرى رابىيە قادىر خانىم شۋېتسارىيىدە

ئۇيغۇر مىللىي ھەرىكىتىنىڭ رەھبىرى رابىيە قادىر خانىم، تۈنۈگۈن ياۋروپا زىيارىتىنىڭ تۇنجى بېكىتى بولغان گېرمانىيىنىڭ مىيۇنخېن شەھىرىگە يېتىپ كەلگەن.
ﻣﯘﺧﺒﯩﺮﯨﻤﯩﺰ ﺷﯚﻫﺮﻩﺕ ﻫﻮﺷﯘﺭ
2009-03-03
ئېلخەت
پىكىر
Share
پرىنت

مىيۇنخېندا دۇنيا ئۇيغۇر قۇرۇلتىيىنىڭ رەھبەرلىك ھەيئىتىدىن دولقۇن ئەيسا ۋە ئابلىمىت تۇرسۇن قاتارلىق سەپداشلىرى تەرىپىدىن كۈتۈۋېلىنغان ئىدى. ئۇ بۈگۈن دۇنيا ئۇيغۇر قۇرۇلتىيىنىڭ مۇئاۋىن رەئىسى ئەسقەرجاننىڭ ھەمراھلىقىدا شىۋېتسارىيىدە زىيارەتتە.

رابىيە قادىر خانىمنىڭ شىۋېتسارىيىدىكى زىيارەت كۈن تەرتىپىدە جەنۋەدىكى ب د ت كىشىلىك ھوقۇق ئالىي كومىتېتى، شىۋېتسارىيە تاشقى ئىشلار مىنىستىرلىكى، شىۋېتسارىيە پارلامېنتى، شىۋېتسىرىيە كۆچمەنلەر ئىدارىسى، خەتەر ئاستىكى مىللەتلەرنى قوغداش تەشكىلاتىنىڭ شىۋېتسارىيە شۆبىسى، شۋېتسارىيە كىشىلىك ھوقۇق كومىتېتى قاتارلىق، ھۆكۈمەت ئورۇنلىرى ۋە سىياسىي - ئىجتىمائىي تەشكىلاتلارنى زىيارەت قىلىش قاتارلىق پائالىيەتلەر بار.

مۇخبىرىمىزنىڭ ئىگىلىشىچە، رابىيە خانىم بۈگۈنكى زىيارەت پىلانىنى نەتىجىلىك تاماملىغان. ئۇ يەنە بۈگۈن ئاخشام شىۋېتسارىيىنىڭ نوپۇزلۇق رادىئو، تېلېۋىزىيە ۋە گېزىت مۇخبىرلىرىنىڭ زىيارىتىنى قوبۇل قىلماقچى. رابىيە قادىر قادىر خانىمنىڭ شىۋېتسارىيىدىكى زىيارىتى يەنە بىرقانچە كۈن داۋاملىشىدۇ.

پىكىرلەر (0)
Share
تولۇق بەت