تەيۋەنلىكلەر رابىيە خانىمنى تەكلىپ قىلىش ئۈچۈن ناخشا چولپىنىنى ئەۋەتتى

دۇنيا ئۇيغۇر قۇرۇلتىيىنىڭ رەھبىرى رابىيە قادىر خانىم بۈگۈن ئۆزىنىڭ ۋاشىنگتوندىكى ئىشخانىسىدا، تەيۋەندىكى شەنلىڭ ئانسامبىلىنىڭ مەشھۇر ناخشا چولپىنى فرېددى ئەپەندى بىلەن كۆرۈشكەندە، ئامېرىكىدىكى ئۇچۇر ۋاسىتىلىرىدىن 10 نەچچە ئورۇن مۇخبىر ئەۋەتىپ ئۇلارنى زىيارەت قىلدى.
ﻣﯘﺧﺒﯩﺮﯨﻤﯩﺰ ﯞﻩﻟﻰ
2009-09-23
ئېلخەت
پىكىر
Share
پرىنت

تەيۋەن ناخشا چولپىنى فرېددى ئەپەندى تەيۋەندىكى ھۆكۈمەتكە بېقىنمايدىغان ئاممىۋى تەشكىلاتلارغا ۋاكالىتەن رابىيە خانىمنى تەيۋەننى زىيارەت قىلىشقا تەكلىپ قىلدى. رابىيە خانىم تەيۋەنلىكلەرنىڭ تەيۋەن ئارىلىنى زىيارەت قىلىش ھەققىدىكى تەكلىپىنى قوبۇل قىلدى.

مۇخبىرلار رابىيە خانىمدىن 'سىز ئۆزىڭىزنى جوڭگولۇق دەپ ھېسابلامسىز؟ ' دەپ سورىغاندا، رابىيە خانىم، 'مەن ئۇيغۇر، شەرقىي تۈركستانلىق، ئۇيغۇرلار ھېچقاچان ئۆزىنى جۇڭگولۇق دەپ ھېسابلىمىغان، پەقەت ئاپتونومىيە بولۇپ قالغانلىقى ئۈچۈنلا ئۇلار بىلەن بىللە ياشاشقا مەجبۇر بولۇپ قالغان' دەپ جاۋاب بەردى ۋە خىتاي دائىرىلىرىنىڭ تەيۋەن فىلىم فېستىۋالىدەك مەدەنىيەت پائالىيەتلىرىگە سىياسىي جەھەتتىن توسقۇنلۇق قىلىۋاتقانلىقىنى تەنقىتلىدى.

پىكىرلەر (0)
Share
تولۇق بەت