Рабийә қадир ханим явропадики бир қисим әлләргә қаратқан зияритини башлиди

Дуня уйғур қурултийиниң рәиси рабийә қадир ханим рәсмий тәклип бойичә 20 - өктәбирдин 25 - өктәбирғичә болған арилиқта явропадики италийә, франсийә вә әнгилийә қатарлиқ әлләрдә елип берилидиған бир қисим хәлқаралиқ паалийәтләргә қатнишип, уйғурлар мәсилисини тонуштуруш сәпирини башлиди.
Мухбиримиз үмидвар
2010-10-20
Елхәт
Пикир
Share
Принт

Рабийә қадир ханим бу қетимқи явропа сәпиридә, италийидики хәлқаралиқ әркинлик тәшкилатиниң тәклипи бойичә рим шәһиридә мәзкур тәшкилат тәрипидин өткүзүлидиған зулум астидики милләтләр вә җамаәтләрниң әркинлики, кишилик һоқуқлирини һимайә қилишни мәқсәт қилидиған паалийәткә қатнишип, уйғурларниң мәсилилирини тонуштуридикән.
 
У йәнә франсийини зиярәт қилип, бу дөләттә бир қатар паалийәтләрни елип баридиған болуп, униң бу йәрдики паалийәтлири арисида мәхсус уйғурларниң миллий мәдәнийитиниң йоқитилишқа учраватқанлиқи һәққидә доклат беришму бар.
 
Рабийә қадир ханим техи йеқиндила шиветсийидә зиярәттә болуп, өзиниң тәрҗимиһалиниң шивет тилида нәшр қилиниш мурасимиға һәм башқа бир қатар паалийәтләргә қатнашқан иди.


 
Толуқ бәт