Rabiye qadir xanim yawropadiki bir qisim ellerge qaratqan ziyaritini bashlidi

Dunya Uyghur qurultiyining re'isi rabiye qadir xanim resmiy teklip boyiche 20 - öktebirdin 25 - öktebirghiche bolghan ariliqta yawropadiki italiye, fransiye we en'giliye qatarliq ellerde élip bérilidighan bir qisim xelq'araliq pa'aliyetlerge qatniship, Uyghurlar mesilisini tonushturush sepirini bashlidi.
Muxbirimiz ümidwar
2010-10-20
Élxet
Pikir
Share
Print

Rabiye qadir xanim bu qétimqi yawropa sepiride, italiyidiki xelq'araliq erkinlik teshkilatining teklipi boyiche rim shehiride mezkur teshkilat teripidin ötküzülidighan zulum astidiki milletler we jama'etlerning erkinliki, kishilik hoquqlirini himaye qilishni meqset qilidighan pa'aliyetke qatniship, Uyghurlarning mesililirini tonushturidiken.
 
U yene fransiyini ziyaret qilip, bu dölette bir qatar pa'aliyetlerni élip baridighan bolup, uning bu yerdiki pa'aliyetliri arisida mexsus Uyghurlarning milliy medeniyitining yoqitilishqa uchrawatqanliqi heqqide doklat bérishmu bar.
 
Rabiye qadir xanim téxi yéqindila shiwétsiyide ziyarette bolup, özining terjimihalining shiwét tilida neshr qilinish murasimigha hem bashqa bir qatar pa'aliyetlerge qatnashqan idi.


 
Toluq bet