رۇسىيە ب د ت نىڭ سۈرىيىگە ئېمبارگو قويۇشقا نارازى ئىكەنلىكىنى بىلدۈردى

رۇسىيە تاشقى ئىشلار مىنىستىرىنىڭ ياردەمچىسى راخمانوۋ بۈگۈن بىرلەشكەن دۆلەتلەر تەشكىلاتىنى ئاگاھلاندۇرۇپ، ئەگەر بىرلەشكەن دۆلەتلەر تەشكىلاتى بەشەر ئەساد ھۆكۈمىتىگە قارشى قارار ماقۇللىسا، سۈرىيىدە ئىچكى ئۇرۇش پارتلايدىغانلىقىنى ئەسكەرتتى.
مۇخبىرىمىز مېھرىبان
2012-01-31
ئېلخەت
پىكىر
Share
پرىنت

رۇسىيە تاشقى ئىشلار مىنىستىرى ياردەمچىسى بۇ باياناتىنى بىرلەشكەن دۆلەتلەر تەشكىلاتىنىڭ بۈگۈن 31-يانۋار كەچقۇرۇن ماقۇللىماقچى بولغان سۈرىيە ھەققىدىكى قارارىدىن بىرنەچچە سائەت ئىلگىرى ئېلان قىلغان.

ئەنگلىيە ب ب س ئاگېنتلىقىنىڭ بۈگۈنكى خەۋىرىدە دېيىلىشىچە، بىرلەشكەن دۆلەتلەر تەشكىلاتى ئەرەب بىرلەشمىسىنىڭ تەلىپىگە ئاساسەن، 31-يانۋار كۈنى كەچقۇرۇن سۈرىيە بەشەر ئاساد ھۆكۈمىتىگە قارشى قارار ماقۇللاشنى بېكىتكەن. نۆۋەتتىكى ۋەزىيەتتىن قارىغاندا، بۇ قارار بىرلەشكەن دۆلەتلەر تەشكىلاتىغا دائىمىي ئەزا بولغان 15 دۆلەت ئىچىدە ئامېرىكا، ئەنگلىيە، فرانسىيە قاتارلىق 10 دۆلەتنىڭ قوللىشىغا ئېرىشىدىغانلىقى مەلۇم. ئەمما سۈرىيە بەشار ئاساد ھۆكۈمىتى بىلەن قويۇق ھەمكارلىق مۇناسىۋىتىدە بولۇپ كەلگەن رۇسىيە ھەم خىتاينىڭ رەت قىلىشىغا ئۇچرىشى مۇمكىن ئىكەن.

پىكىرلەر (0)
Share
تولۇق بەت