Rusiye b d t ning süriyige émbargo qoyushqa narazi ikenlikini bildürdi

Rusiye tashqi ishlar ministirining yardemchisi raxmanow bügün birleshken döletler teshkilatini agahlandurup, eger birleshken döletler teshkilati besher esad hökümitige qarshi qarar maqullisa, süriyide ichki urush partlaydighanliqini eskertti.
Muxbirimiz méhriban
2012-01-31
Élxet
Pikir
Share
Print

Rusiye tashqi ishlar ministiri yardemchisi bu bayanatini birleshken döletler teshkilatining bügün 31-yanwar kechqurun maqullimaqchi bolghan süriye heqqidiki qararidin birnechche sa'et ilgiri élan qilghan.

En'gliye b b s agéntliqining bügünki xewiride déyilishiche, birleshken döletler teshkilati ereb birleshmisining telipige asasen, 31-yanwar küni kechqurun süriye besher asad hökümitige qarshi qarar maqullashni békitken. Nöwettiki weziyettin qarighanda, bu qarar birleshken döletler teshkilatigha da'imiy eza bolghan 15 dölet ichide amérika, en'gliye, fransiye qatarliq 10 döletning qollishigha érishidighanliqi melum. Emma süriye beshar asad hökümiti bilen qoyuq hemkarliq munasiwitide bolup kelgen rusiye hem xitayning ret qilishigha uchrishi mumkin iken.

Toluq bet