Rusiyide ikki adem xitaygha jasusluq qilish bilen qolgha élindi

Rosiye da'iriliri bügün ikki puqrasini xitaygha ishpiyonluq qilish bilen qolgha aldi. Fransiye agéntliqining xewer qilishiche, syatoslow bobishéw we yéwgéniy afanasyéw isimlik bu ikkiylen san pétérsborgtiki wonméx uniwérsitéti rakéta we alem kémisi tetqiqat merkizining tetqiqatchiliri bolup, bu uniwérsitétning rosiye herbiy sahesi bilen qoyuq alaqisi bar iken.
Muxbirimiz irade
2010-09-23
Élxet
Pikir
Share
Print

Melum bolushiche, bu ikki proféssor eyni waqitta uniwérsitétlar arisidiki almashturush programmisi boyiche xitayning xarbin shehiridiki téxnika uniwérsitétida turghan iken.

Rosiye bixeterlik da'iriliri ularni "döletke asiyliq qilip, jasusluq qilish" jinayiti bilen qolgha alghan. Hazir bu ikki tetqiqatchi rosiye fédératsiye xewpsizlik idarisining türmisi - léfortowo türmiside tekshürülmekte.

Xewerde bayan qilinishiche, weqe wonméx uniwérsitétida zor tesir peyda qilghan. Uniwérsitét da'iriliri bu heqte muxbirlarning so'aligha jawab bérishni ret qilghan. Rosiye saqchi da'iriliri hazir bu ikkiylen üstide tekshürüsh élip bériwatqan bolup, eger ularning jinayiti delillense, ular 20 yilghiche bolghan qamaq jazasigha höküm qilinishi mumkin iken.

Toluq bet