Xitay Uyghur élida sheherlerning milliy qiyapitini buzush qilmishigha yéngi isim qoydi

Xitay hökümiti yéqinqi yillardin béri qeshqer qatarliq qedimiy sheherlerde türlük qurulush pilanlirini yolgha qoyup, sheherdiki qedimiy kocha we qora - jaylarni buzup tashlighan. Muhajirettiki Uyghur teshkilatliri, xitayning bu qilmishini meqsetlik halda sheherning milliy qiyapitige buzghunchiliq qilish dep eyiblep kelgen.
Muxbirimiz shöhret hoshur
2010-07-13
Élxet
Pikir
Share
Print

Xelq'ara jama'etmu, qeshqer sheher kochilirining buzulushini bir medeniyetning buzghunchiliqqa uchrishi dep qarighan, bezi guruppilar " qeshqerni qoghdap qalayli" namliq ammiwiy heriket bashlap, xitay hökümitini buzghunchiliqtin tosushqa tirishqan.

Shinjang xewer toridin melum bolushiche, xitayning Uyghur rayonluq hökümiti 8 - iyul küni yighin échip, mezkur buzghunchiliq qilmishigha yéngi isim qoyghan. Yeni " shinjangning yéngi shekildiki sheher qurulushini tereqqiy qildurush layihisi " ni otturigha qoyghan. Rayonluq hökümet pilan komitéti bu layihini emeliyleshtürüsh üchün, komitétqa xadim kopeytidighanliqini élan qilghan. Yighinda nur bekri söz qilip, mezkur layihini yéngi dewerge we tereqqiyatqa maslishish dep medhiyiligen. We bu layihini emeliyleshtürüsh üchün kishilerning yéngi anggha sahip bolushi kéreklikini bildürgen. Nur bekri Uyghur rayonida qosh til ma'aripining emeliylishishide eng aktip rol élip kelgen. Emdilikte, sheherlerning milliy qiyapitining buzulushidimu bashlamchiliqta aldida mangidighanliqi melum bolmaqta.
Toluq bet