Тутқун шәмшидин қариниң ақивити шихәнзә кона базардики уйғур җамаитини әндишигә салмақта

Шихәнзә кона базарда олтурушлуқ яш диний зат шәмшидин қари, 3 айниң алдида хитай сақчилири тәрипидин тутуп кетилип, аилисигә яки мәсчит җамаитигә һазирғичә учури берилмигән.
Мухбиримиз шөһрәт һошур
2012-07-30
Елхәт
Пикир
Share
Принт

Мәлум болушичә, шәмшидин қари кона базарда қассаплиқ қиливатқан күнлиридә бир хитай аққун билән гәп талишип соқушуп қалған вә хитай аққунни бир тәстәк урған. Вәқәдин 3 ай өткәндә шәмшидин қари өйидин тутуп кетилгән. Шәмшидинниң достлири дәсләптә, уни сүрүштә қилип сақчиханиға барғинида, сақчилардин бири шәмшидинни мәзкур хитай аққунниң әрз-шикайитигә асасән тутқун қилғанлиқини ейтқан.

Йәнә бир сақчи болса, шәмшидинниң йәрасти диний мәктәп ачқанлиқи үчүн тутулғанлиқини билдүргән. Шәмшидин қариниң аилиси вә достлири униңдин кейин көп қетимлап сақчиханиға барған болсиму, шәмшидин қариниң нәдилики, саламәтлик әһвали вә делосиниң хуласиси һәққидә һечқандақ учурға еришәлмигән.

Радио аңлиғучилиримизниң инкас қилишичә, нөвәттә шихәнзә кона базардики уйғур җамаити шәмшидин қариниң әһвалидин әндишә қилмақта вә сақчилар қисқа вақит ичидә мәлумат бәрмисә, җамаәт имза топлап шәмшидин қарини қоюп беришни тәләп қилишни ойлашмақта.

Пикирләр (0)
Share
Толуқ бәт