Tutqun shemshidin qarining aqiwiti shixenze kona bazardiki Uyghur jama'itini endishige salmaqta

Shixenze kona bazarda olturushluq yash diniy zat shemshidin qari, 3 ayning aldida xitay saqchiliri teripidin tutup kétilip, a'ilisige yaki meschit jama'itige hazirghiche uchuri bérilmigen.
Muxbirimiz shöhret hoshur
2012-07-30
Élxet
Pikir
Share
Print

Melum bolushiche, shemshidin qari kona bazarda qassapliq qiliwatqan künliride bir xitay aqqun bilen gep taliship soqushup qalghan we xitay aqqunni bir testek urghan. Weqedin 3 ay ötkende shemshidin qari öyidin tutup kétilgen. Shemshidinning dostliri deslepte, uni sürüshte qilip saqchixanigha barghinida, saqchilardin biri shemshidinni mezkur xitay aqqunning erz-shikayitige asasen tutqun qilghanliqini éytqan.

Yene bir saqchi bolsa, shemshidinning yer'asti diniy mektep achqanliqi üchün tutulghanliqini bildürgen. Shemshidin qarining a'ilisi we dostliri uningdin kéyin köp qétimlap saqchixanigha barghan bolsimu, shemshidin qarining nediliki, salametlik ehwali we délosining xulasisi heqqide héchqandaq uchurgha érishelmigen.

Radi'o anglighuchilirimizning inkas qilishiche, nöwette shixenze kona bazardiki Uyghur jama'iti shemshidin qarining ehwalidin endishe qilmaqta we saqchilar qisqa waqit ichide melumat bermise, jama'et imza toplap shemshidin qarini qoyup bérishni telep qilishni oylashmaqta.

Toluq bet