Уйғурлар шветсийә һөкүмитини хитайға бесим ишлитишкә чақирди

Франсийә агентлиқиниң хәвәр қилишичә, хитай муавин дөләт рәиси ши җинпиңниң скандинавийә дөләтлиригә қаратқан зиярити, җүмлидин униң шветсийә зияритини башлиши мунасивити билән дуня уйғур қурултийи, шветсийә һөкүмитини хитайниң уйғурларға қаратқан бастуруш сияситини ахирлаштуруш һәққидә хитайға бесим ишлитишкә чақирған.
Мухбиримиз үмидвар
2010-03-28
Елхәт
Пикир
Share
Принт

Хәвәрдә көрситилишичә, дуня уйғур қурултийиниң баяннамисида өткән йилидики үрүмчи вәқәсидә көплигән уйғурларниң қолға елинғанлиқи һәмдә һазирғичә өлүм җазаси беришниң давамлишиватқанлиқи илгири сүрүлгән.

Франсийә агентлиқиниң хәвиридә йәнә, 5 - июл вәқәси һәмдә уйғурларниң миллий кимлики қисқичә әслитип өтүлгән.

Дуня уйғур қурултийиниң баянатчиси дилшат ришит өзлириниң хитай муавин рәиси ши җинпиңниң шветсийә зиярити мунасивити билән шветсийә баш министиригә хәт йезип, шветсийә һөкүмитидин 5 - июл вәқәсиниң сәвәби вә уйғурларниң түрмидики әһвали һәм җазалиниш әһваллири үстидә хәлқаралиқ тәкшүрүш елип бериш тоғрисида хитай һөкүмитигә бесим көрситишни тәләп қилғанлиқини билдүрди .

Дилшат ришитниң ейтишичә, шветсийә баш министиридинму бу һәқтә җаваб тапшурувалған һәмдә 30 - март күни дуня уйғур қурултийиниң тәшәббуси билән шветсийә уйғур җамаитиниң парламент алдида ши җинпиңниң зияритигә наразилиқ билдүрүш намайиши өткүзмәкчи болуватқанлиқини әскәртти.

Хитай муавин дөләт рәиси ши җинпиң бу қетим шветсийә алий рәһбәрлири билән көрүшиду һәмдә икки дөләтниң дипломатик мунасивәт орнатқанлиқини тәбрикләш һәмдә икки дөләтниң сиясий, иқтисадий вә башқа һәмкарлиқлирини техиму күчәйтиш һәққидә пикир алмаштуриду.

Пикирләр (0)
Share
Толуқ бәт