Uyghurlar shwétsiye hökümitini xitaygha bésim ishlitishke chaqirdi

Fransiye agéntliqining xewer qilishiche, xitay mu'awin dölet re'isi shi jinpingning skandinawiye döletlirige qaratqan ziyariti, jümlidin uning shwétsiye ziyaritini bashlishi munasiwiti bilen dunya Uyghur qurultiyi, shwétsiye hökümitini xitayning Uyghurlargha qaratqan basturush siyasitini axirlashturush heqqide xitaygha bésim ishlitishke chaqirghan.
Muxbirimiz ümidwar
2010-03-28
Élxet
Pikir
Share
Print

Xewerde körsitilishiche, dunya Uyghur qurultiyining bayannamisida ötken yilidiki ürümchi weqeside köpligen Uyghurlarning qolgha élin'ghanliqi hemde hazirghiche ölüm jazasi bérishning dawamlishiwatqanliqi ilgiri sürülgen.

Fransiye agéntliqining xewiride yene, 5 - iyul weqesi hemde Uyghurlarning milliy kimliki qisqiche eslitip ötülgen.

Dunya Uyghur qurultiyining bayanatchisi dilshat rishit özlirining xitay mu'awin re'isi shi jinpingning shwétsiye ziyariti munasiwiti bilen shwétsiye bash ministirige xet yézip, shwétsiye hökümitidin 5 - iyul weqesining sewebi we Uyghurlarning türmidiki ehwali hem jazalinish ehwalliri üstide xelq'araliq tekshürüsh élip bérish toghrisida xitay hökümitige bésim körsitishni telep qilghanliqini bildürdi .

Dilshat rishitning éytishiche, shwétsiye bash ministiridinmu bu heqte jawab tapshuruwalghan hemde 30 - mart küni dunya Uyghur qurultiyining teshebbusi bilen shwétsiye Uyghur jama'itining parlamént aldida shi jinpingning ziyaritige naraziliq bildürüsh namayishi ötküzmekchi boluwatqanliqini eskertti.

Xitay mu'awin dölet re'isi shi jinping bu qétim shwétsiye aliy rehberliri bilen körüshidu hemde ikki döletning diplomatik munasiwet ornatqanliqini tebriklesh hemde ikki döletning siyasiy, iqtisadiy we bashqa hemkarliqlirini téximu kücheytish heqqide pikir almashturidu.

Toluq bet