Isyanchi herbiyler süriye hawa armiye bazisigha hujum qozghidi

Süriye qozghilangchilirining bayan qilishiche, isyan kötürgen herbiylerning "Süriye inqilabi bash shtab" dep atilidighan teshkilati tünügün, süriyining paytexti demeshiq shehiridiki herbiy bazigha rakéta bilen hujum qozghap, hawa armiye axbarat binasining bir qismini weyran qilghan.
Muxbirimiz weli
2011-11-16
Élxet
Pikir
Share
Print

Amérika awazining bayan qilishiche, bu, süriyide bir heptidin buyan yüz bergen beshr asad hökümitige qarshi qozghighan eng dadil hujum bolup hésablinidu. Bu hazir dunyaning diqqitini qozghimaqta.

B b s ning bayan qilishiche, süriyide isyan kötürgen herbiylerning tünügün rakéta, pilimot qatarliq qorallarni ishlitip qozghighan ushtumtut hujumi, del ereb birliki marakeshte yighin échip süriye mesilisini muzakire qiliwatqan waqitqa toghra kelgen.

Süriye prézidénti beshr el asad namayish qilghan xelqni basturushqa bashlighan sekkiz aydin béri üch ming besh yüz ademni öltürüp bolghan we hazir süriyidiki adem ölüshke hökümetke qarshi qozghilanglar sewebchi boldi dep seweb körsitiwatqan idi.

Toluq bet