Тәйвәнгә реактип айропилан сетип бериш қарариниң йеқинлишишиға әгишип америка-хитай юқири дәриҗилик әмәлдарлири учрашити

Тәйвәнгә реактип айропилан сетип бериш қарариниң йеқинлишишиға әгишип америка-хитай юқири дәриҗилик әмәлдарлири арисида учришишларму көпийишкә башлиди.
Мухбиримиз җүмә
2011-07-30
Елхәт
Пикир
Share
Принт

Обама һөкүмитиниң илғар типтики күрәшчи айропилан F-16 қатарлиқ 6 милярд доллар қиммитидики һәрбий қоралларни тәйвәнгә сетип беришкә қошулғанлиқи илгири сүрүлгәндин кейин, бу америка-хитай һәрбий мунасивәтлиригә дәхли йәткүзгән.

Нәтиҗидә бу қоралларни тәйвәнгә сетип бериш ишлири бир қәдәр кәйнигә сүрүлгән.

Өткән һәптә америка һөкүмәт хадимлири тәйвәнгә қорал сетип бериш мәсилисиниң бу йил өктәбирдә музакирә қилинидиғанлиқи вә қарар елинидиғанлиқини билдүргән иди.

Америка дөләт ишлар министирлиқиниң билдүрүшичә, хитайниң тәйвән ишлириға мәсул әмәлдари ваңйи җүмә күни америкиға кәлгән вә америка муавин дөләт ишла министири вилям бурнс билән бу темида сөһбәт елип барған.

Сөһбәт йепиқ шәкилдә елип берилған болуп, сөһбәткә америка дөләт ишлар министири һиларий клинтон ханиму қисқиғина иштирак қилған. Һалбуки, даириләр сөһбәтниң тәпсилатни ашкарилимиди.

Мәлум болушичә, америка дөләт мәҗлиси ташқи ишлар комитети тәйвәнгә қорал сетип беришни күчлүк қоллайдиған болуп, улар өткән һәптә бу һәқтә биләт ташлиған.

1979-Йили түзүлгән америкиниң тәйвән қануниға асасән америка тәйвәнни қоғдаш мәҗбурийитигә игә. Шу сәвәбтин тәйвәнликләр америкиниң қорал сетип беридиғанлиқиға зор ишәнч билән қарайдиған болуп, 9-айда тәйвән дөләт мудапиә министири гав хуачу америкиға келидикән вә қорал сетип бериш ишлирини қайта тәләп қилидикән.

Пикирләр (0)
Share
Толуқ бәт