ئامېرىكا تەيۋەنگە قورال سېتىپ بېرىش ئىشلىرىغا قايتا قاراشقا باشلىغان

تەيۋەن دائىرىلىرى ئامېرىكىنىڭ تەيۋەنگە قورال سېتىپ بېرىش ئىشلىرىغا قايتا نەزەر سېلىشقا باشلىغانلىقىنى بىلدۈردى. بۇ ھەقتىكى سۆزلەرنى ئامېرىكا پايتەختى ۋاشىنگتوندا زىيارەتتە بولۇۋاتقان تەيۋەن ئۇچۇر مىنىستىرى فىلىپ ياڭ ئوتتۇرىغا قويدى.
مۇخبىرىمىز جۈمە
2011-07-16
ئېلخەت
پىكىر
Share
پرىنت

فىلىپ ياڭ تەيۋەن پرېزىدېنتى ما يىڭجۇ خىتاي بىلەن مۇناسىۋەتلىرىنى ئىگىلىرى سۈرۈشكە تىرىشىۋاتقان بولسىمۇ، تەيۋەننىڭ يەنىلا ھەربىي ھازىرلىقلىرىنى ياخشىلاشقا موھتاج ئىكەنلىكىنى بىلدۈردى.

ئۇ مۇنداق دېدى: «مەنچە بۇ يەردىكى مەقسەت-مۇددىئا ئىنتايىن ئېنىق. نۆۋەتتە ئامېرىكا دائىرىلىرى تەيۋەن دۆلەت مۇداپىئەسىنىڭ نېمىلەرگە ئېھتىياجلىق ئىكەنلىكىگە قاراپ چىقماقتا.» ئامېرىكا تەيۋەننى خىتاينىڭ بىر قىسمى دەپ تونۇيدىغان بولسىمۇ، 1979-يىلدىكى قانۇنغا ئاساسەن تەيۋەننىڭ دۆلەت مۇداپىئەسى ئۈچۈن تەيۋەنگە قورال ياراق سېتىپ بېرىش مەجبۇرىيىتىگە ئىگە.

فىلىپ خىتاينىڭ نۆۋەتتە ھەربىي سېلىنمىسىنى بارغانچە ئاشۇرۇۋاتقانلىقىنىمۇ ئالاھىدە تەكىتلىدى ۋە:«ئامېرىكا بۇ يەردىكى كۈچنى تەڭپۇڭلاشتۇرۇش ئۈچۈن تەيۋەنگە چوقۇم ياردەم قىلىشى كېرەك. خىتايدەك چوڭ دۆلەت بىلەن مۇرەسسە قىلىش چوقۇم بەدەلسىز بولمايدۇ» دېدى.

ئامېرىكا ھۆكۈمىتى ئۆتكەن يىلى تەيۋەنگە «ۋەتەنپەرۋەر» ناملىق باشقۇرۇلىدىغان بومبا، ۋە «قاراقچىغا» ماركىلىق تىكئۇچار قاتارلىق 6.4 مىليارد دوللار قىممىتىدىكى ئىلغار قورال ياراق-سېتىپ بېرىشنى قارار قىلغاندىن كېيىن، بۇ ئامېرىكا-خىتاي مۇناسىۋەتلىرىگە دەخلى يەتكۈزگەن.

پىكىرلەر (0)
Share
تولۇق بەت