Хитай сичүән гәнзидики бир тибәт ибадәтханисиниң ламасини узун муддәтлик қамақ җазасиға һөкүм қилди

Хитай һөкүмити чаршәнбә күни сичүәнниң тибәтләр олтурақлашқан гәнзи районидики тибәт ибадәтханисиниң җамаәт ичидә һөрмәткә сазавәр ламалиридин фурбу серин ренпочини аз кәм 9 йиллиқ қамақ җазасиға һөкүм қилди.
Мухбиримиз әркин
2009-12-31
Елхәт
Пикир
Share
Принт

Бирләшмә ахбарат агентлиқиниң хәвәр қилишичә, хитай даирилири ренпочини орнидин пайдилинип, "қанунсиз йәр игиливелиш", "қанунсиз оқ - дора сақлаш" җинайити билән әйиблигән.

Көзәткүчиләр, ренпочи 2008 ‏- йили 3 ‏- айда йүз бәргән лхаса вәқәсигә четилип җазаланған тунҗи юқири дәриҗилик тибәт ламаси икәнликини билдүрмәктә.

Ренпочиниң адвокати җяң тйәнюң, униңға артилған җинайәтләрниң пут тирәп туралмайдиғанлиқини, сот мәһкимиси ренпочиниң аилисигә қанунсиз тәләпләрни қоюп турувалғанлиқтин уни 2 ‏- қетимлиқ сотта ақлиялмиғанлиқини билдүргән.

Фурбу серин ренпочи 2008 ‏- йили 5 ‏- айда 100гә йеқин тибәт раһиби гәнзидә намайиш қилип, хитай даирилириниң далай ламани тәнқид қилишни мәзмун қилған "вәтәнпәрвәрлик тәлим - тәрбийә" һәрикитигә қарши чиққандин кейин қолға елинған иди.

Адвокат җяң тйәнюң мәтбуатларға бәргән мәзкур дило һәққидики баянатида сотниң қарарини тәнқидләп, "сот мәһкимисиниң бу дилода қанунни асас қилип һөкүм чиқармиғанлиқи, бәлки юқириниң йолйоруқиға асасән һөкүм чиқарғанлиқи"ни илгири сүргән.

Пикирләр (0)
Share
Толуқ бәт