Хитай, тибәт раһиблириниң йәр тәврәш районидин айрилишини тәләп қилди

Хитай һөкүмити тибәт егизликидики йүшу наһийисидә йүз бәргән йәр тәврәш апитидә апәт райониға кирип, қутқузуш хизмитигә қатнашқан тибәт раһиплириниң йәр тәврәш районидин чиқип кетишини тәләп қилған. юшу наһийисидә 7.1 Бал йәр тәврәп узун өтмәй нәччә миңлиған тибәт раһиби далай ламаниң чақириқиға асасән йәр тәврәш райониға кирип, қутқузуш хизмитигә қатнашқан.
Мухбиримиз әркин
2010-04-23
Елхәт
Пикир
Share
Принт

Лекин хитай дөләт кабинти җүмә күни елан қилған бу һәқтики баянатида тибәт раһиплириниң апәт районидин қоғланғанлиқини ақлап, "апәт районидики қутқузуш хизмити асасән ахирлашти. Әмдики муһим мәсилә кесәлликниң алдини елиш вә қурулушни әслигә кәлтүрүш болуп, буниң үчүн кәспий хадимларға еһтияҗ бар" дегән.

Баянатта йәнә, тибәт ламалириниң қутқузуш хизмитидики "актип төһписи"ни муәййәнләштурудиғанлиқини, лекин қутқузуш хизмитиниң үнүмини сақлаш үчүн яқа юртлуқ ламаларниң юртиға қайтиши тәләп қилинғанлиқини билдүргән.

Юшу наһийисидә йәр тәврәш апити йүз бәргәндин кейин, тибәт роһани даһиси далай лама баянат елан қилип, "мән раһибларни достанә қошнидарчилиқни чиқиш қилип, апәткә учриғанларни қоллашқа вә уларға ярдәмдә болушқа чақиримән" дегән иди. Көзәткүчиләр, тибәт раһиплириниң апәткә учриған пуқраларни қутқузуш хизмитидики пидакарлиқи апәт райониға вақтида қутқузуш әтрити су, йемәк-ичмәк вә чедир йәткүзүп беришкә амалсиз қалған хитай даирилирини биарам қилғанлиқини билдүрмәктә. 
Пикирләр (0)
Share
Толуқ бәт