Xitay, tibet rahiblirining yer tewresh rayonidin ayrilishini telep qildi

Xitay hökümiti tibet égizlikidiki yüshu nahiyiside yüz bergen yer tewresh apitide apet rayonigha kirip, qutquzush xizmitige qatnashqan tibet rahiplirining yer tewresh rayonidin chiqip kétishini telep qilghan. Yushu nahiyiside 7.1 Bal yer tewrep uzun ötmey nechche minglighan tibet rahibi dalay lamaning chaqiriqigha asasen yer tewresh rayonigha kirip, qutquzush xizmitige qatnashqan.
Muxbirimiz erkin
2010-04-23
Élxet
Pikir
Share
Print

Lékin xitay dölet kabinti jüme küni élan qilghan bu heqtiki bayanatida tibet rahiplirining apet rayonidin qoghlan'ghanliqini aqlap, "apet rayonidiki qutquzush xizmiti asasen axirlashti. Emdiki muhim mesile késellikning aldini élish we qurulushni eslige keltürüsh bolup, buning üchün kespiy xadimlargha éhtiyaj bar" dégen.

Bayanatta yene, tibet lamalirining qutquzush xizmitidiki "aktip töhpisi"ni mu'eyyenleshturudighanliqini, lékin qutquzush xizmitining ünümini saqlash üchün yaqa yurtluq lamalarning yurtigha qaytishi telep qilin'ghanliqini bildürgen.

Yushu nahiyiside yer tewresh apiti yüz bergendin kéyin, tibet rohani dahisi dalay lama bayanat élan qilip, "men rahiblarni dostane qoshnidarchiliqni chiqish qilip, apetke uchrighanlarni qollashqa we ulargha yardemde bolushqa chaqirimen" dégen idi. Közetküchiler, tibet rahiplirining apetke uchrighan puqralarni qutquzush xizmitidiki pidakarliqi apet rayonigha waqtida qutquzush etriti su, yémek-ichmek we chédir yetküzüp bérishke amalsiz qalghan xitay da'irilirini bi'aram qilghanliqini bildürmekte. 
Toluq bet