Тибәт сүргүндики һөкүмити ху җинтавни тибәтләргә яхши муамилә қилишқа чақирди

Мәркизи даримсалаға җайлашқан тибәт сүргүндики һөкүмити 29 - январ күни хитай дөләт рәиси ху җинтавға қарита очуқ хәт елан қилип, уни тибәт хәлқиғә яхши муамилә қилишқа чақирди.
Мухбиримиз үмидвар
2012-01-29
Елхәт
Пикир
Share
Принт

Әнглийә б б с агентлиқиниң хәвәр қилишичә, тибәт сүргүндики парламенти өз очуқ хетидә йәттә тәләпни оттуриға қойған болуп, очуқ хәттә хитай һөкүмитиниң «тинчлиқ билән наразилиқ билдүргән тибәтләргә нисбәтән вәһшиянә бастуруш чарисини қолланғанлиқи»ни әйибләп, хитай һөкүмитини «тибәтләрниң әқәллий кишилик һоқуқлири, иззәт - һөрмити вә һаятини қилчә көзгә илмиди» дәп тәнқид қилған.

Хәттә йәнә тибәтләрни бастурған билән әмма, хитай даирилириниң тибәтләрниң роһиниң бастуруп болғили болмайдиғанлиқини чүшәнгәнлики көрситилгән. Мәзкур йәттә маддилиқ тәләп хетиниң мәзмунлири тибәтләрниң кишилик, дини, миллий өрп - адәт, сайлам вә пикир баян қилиш қатарлиқ түрлүк һоқуқлириниң капаләткә игә қилиниши шуниңдәк сиясий мәһбусларни қоюп бериш, тибәтләр билән болған сөһбәтни әслигә кәлтүрүп, тибәт мәсилисини узун муддәтлик һәл қилишниң чарилирини тепиш қатарлиқ мәзмунларға тақалған.

Бирақ, очуқ хәттә һечқандақ мустәқиллиқ шуари мәйданға чиқмиған.

Пикирләр (0)
Share
Толуқ бәт