Tibet sürgündiki hökümiti xu jintawni tibetlerge yaxshi mu'amile qilishqa chaqirdi

Merkizi darimsalagha jaylashqan tibet sürgündiki hökümiti 29 - yanwar küni xitay dölet re'isi xu jintawgha qarita ochuq xet élan qilip, uni tibet xelqighe yaxshi mu'amile qilishqa chaqirdi.
Muxbirimiz ümidwar
2012-01-29
Élxet
Pikir
Share
Print

En'gliye b b s agéntliqining xewer qilishiche, tibet sürgündiki parlaménti öz ochuq xétide yette telepni otturigha qoyghan bolup, ochuq xette xitay hökümitining "Tinchliq bilen naraziliq bildürgen tibetlerge nisbeten wehshiyane basturush charisini qollan'ghanliqi"ni eyiblep, xitay hökümitini "Tibetlerning eqelliy kishilik hoquqliri, izzet - hörmiti we hayatini qilche közge ilmidi" dep tenqid qilghan.

Xette yene tibetlerni basturghan bilen emma, xitay da'irilirining tibetlerning rohining basturup bolghili bolmaydighanliqini chüshen'genliki körsitilgen. Mezkur yette maddiliq telep xétining mezmunliri tibetlerning kishilik, dini, milliy örp - adet, saylam we pikir bayan qilish qatarliq türlük hoquqlirining kapaletke ige qilinishi shuningdek siyasiy mehbuslarni qoyup bérish, tibetler bilen bolghan söhbetni eslige keltürüp, tibet mesilisini uzun muddetlik hel qilishning charilirini tépish qatarliq mezmunlargha taqalghan.

Biraq, ochuq xette héchqandaq musteqilliq shu'ari meydan'gha chiqmighan.

Toluq bet