Тибәт тәшкилатлири хәлқарани хитайниң тибәттә муқимлиқни сақлаш намида әскәр көпәйткәнликигә инкас қайтурушқа чақирди

Бүгүн хитайниң шинхуа агентлиқида, хитай даирилири 2012-йили 23-январ сичүәндә йүз бәргән тибәтләрниң наразилиқ һәрикитини, чәтәлләрдики далай лама тәрәпдарлириниң қутратқулуқ қилиши билән йүз бәргән бөлгүнчилик һәрикити дәп әйиблиди һәмдә тибәт аптоном районида қораллиқ әскәрләрни көпәйтип, тибәтниң муқимлиқини сақлайдиғанлиқини билдүрди.
Мухбиримиз меһрибан
2012-02-07
Елхәт
Пикир
Share
Принт

Бүгүн һиндистанниң дарамсала районидики тибәт сүргүн һөкүмити, әнглийә «иқтисад вақти гезити»ниң зияритини қобул қилип, «хитай һөкүмити тибәтләрниң хитайға қарши наразилиқ һәрикәтлирини бастуруш үчүн әскәр көпәйтиватиду.

23-Феврал тибәтләрниң йеңи йил байрими. 10-Март тибәт қозғилиңиниң 53 йиллиқ хатирә күни. Мушундақ шараитта қораллиқ әскәрләрниң тибәтләр районида көпәйтилиши, тибәттә йүз бериш еһтимали болған йәнә бир қетимлиқ бастурушниң бешарити. Дуня бу әһвалға диққәт қилиши керәк.» Дәп агаһландурди.

2011-Йилдин буян тибәт раһиблириниң өзини көйдүрүш арқилиқ, наразилиқ билдүрүш һәрикәтлири көпәйгән. Һәмдә бу йил 23-январ күни сичүәнниң аба районида хитай һөкүмитигә қарши наразилиқ һәрикити йүз берип, бүгүнгә қәдәр 6 нәпәр тибәтликниң хитай қораллиқ сақчилири тәрипидин етип өлтүрүлгәнлики мәлум болған иди.

Пикирләр (0)
Share
Толуқ бәт