Xitay da'iriliri barliq küchi bilen lxasaning muqim weziyitige kapaletlik qilishni tekitlidi

Sichüenning aba rayonida yüz bergen tibetler bilen saqchilar otturisidiki toqunushtin kéyin, xitayning tibettiki yuqiri derijilik emeldarliri buyruq chüshürüp, lxasaning muqimliqigha kapaletlik qilishni tekitlidi.
Muxbirimiz méhriban
2012-01-31
Élxet
Pikir
Share
Print

"Shizang géziti" diki xewerdin melum bolushiche, xitayning lxasadiki partkom sékrétari chizara 31-yanwar, seyshenbe küni saqchi da'iriliridin nuqtiliq halda, lxasadiki budda ibadetxanilirini nazaret astigha élish, tibetke sirttin kirgüchilerni qattiq tekshürüshni telep qilghan. Xitay metbu'atliridin melum bolushiche 1- marttin bashlap tibetke kirgüchi herqandaq shexsning yénida kimlikini élip yürüshi telep qilinidiken.

Bultur 3-aydin buyan tibette arqa-arqidin yüz bergen özini köydürüsh arqiliq naraziliqini ipadilesh weqeliri hem ötken hepte sichüenning aba rayonida yüz bergen tibetlikler bilen saqchilar otturisidiki toqunushtin kéyin, tibet weziyitining yenimu jiddiyleshkenliki xelq'ara jem'iyetning diqqitini tibet mesilisige qaratmaqta.

Toluq bet