Хитайниң төмүрйол министири парихорлуқ сәвәбидин вәзиписидин елип ташланди

Хитай компартийиси бүгүн йәни дүшәнбә күни хитай төмүрйол министири лю җиминни вәзиписидин елип ташлиғанлиқини елан қилған. Уқтурушта, лю җиминниң хитайда елип бериливатқан юқири сүрәтлик төмүрйол қурулуши давамида парихорлуқ қилғанлиқи тилға елинған.
Мухбиримиз шөһрәт һошур
2012-05-28
Елхәт
Пикир
Share
Принт

Лю җиминниң хиянәтчилик қилмиши, бултур хитайниң венҗу шәһиридә юқири сүрәтлик пойиз соқулуп кетиш вәқәси йүз бәргәндин кейин паш болған.

Ашкарилинишичә, у мәзкур қурулуш давамида төмүрйол министирлиқидики йүксәк һоқуқидин пайдилинип бәзи кишиләргә зор мәнпәәт қазиниш пурсити яритип бәргән вә буниң бәдилигә қарши тәрәптин зор миқдарда пара алған.

Пойиз соқулуш вәқәси йүз бәргәндин кейин хитай һөкүмити пойизниң сүритини астилитиш, қурулушқа селиватқан мәбләғни қисқартип, вәқәдә өлгүчиләргә төләм пули айриш вә төмүрйол министирини хизмитидин тохтитип тәкшүрүш қатарлиқ тәдбирләрни қоллинип амминиң наразилиқини пәсәйткән иди.

Хитай компартийиси лю җимин хизмитидин тохтилип бир йил өткәндин кейин, униң вәзиписидин елип ташланғанлиқини уқтурди. Әмма көзәткүчиләр, хитайниң хиянәтчилик мәсилисини айрим шәхсләрни җазалаш арқилиқ түзитәлмәйдиғанлиқини, буниң үчүн хитайда сиясий түзүлмә ислаһатниң зөрүрлүкини илгири сүрмәктә.

Пикирләр (0)
Share
Толуқ бәт