Kishilik hoquq teshkilatliri türkmenistanning nachar kishilik hoquq xatirisini eyiblidi

Türkmenistan prézidénti düshenbe küni fransiyige qarap yolgha chiqqan bolup, türkmenistanning nachar kishilik hoquq xatirisi tüpeyli, fransiye prézidénti kishilik hoquq teshkilatlirining bésimigha uchridi.
Muxbirimiz jüme
2010-02-01
Élxet
Pikir
Share
Print

Fransiye agéntliqining neqil qilishiche, türkmenistan yerlik axbaratliri türkmen prézidénti qurban'gül berdimuhemmedofning düshenbe küni paytext ashxabad shehiridin fransiyige qarap uchqanliqini hemde uning fransiyide yuqiri derijilik hökümet emeldarliri bilen uchrishidighanliqini delilligen.

Melum bolushiche, kishilik hoquqni közitish teshkilati we chégrisiz muxbirlar teshkilati qatarliq hoquq teshkilatliri fransiye prézidénti sarkoziyni berdimuhemmedof bilen körüshkende, türkmenistandiki kishilik hoquq depsendichiliklirini otturigha qoyushqa chaqirghan.

Xewerde körsitishiche, kishilik hoquqni közitish teshkilati yawropa ishliri bölümi diréktori szente goldston, fransiye prézidénti sarkoziyning türkmenistan prézidéntini kishilik hoquqqa hörmet qilishqa chaqirishi hemde türkmenistandiki kishilik hoquq mesilisining fransiye - türkmenistan munasiwetliridiki eng négizlik mesile ikenlikini bildürüshi kéreklikini körsetken.

Türkmenistan ottura asiyadiki tebi'iy bayliqi eng mol, shundaqla kishilik hoquq eng éghir depsende qilinidighan döletlerning biri.
 
15 Yilgha yéqin türkmenistanni qattiq réjim astida bashqurghan seper murat niyazof 2006 - tuyuqsiz qaza qilghandin kéyin, berdimuhemmedof text béshigha chiqqan we türkmenistanda kishilik hoquqni yaxshilaydighanliqi heqqide wede bergen idi. Halbuki türkmenistanda kishilik hoquq we bashqa erkinlikning yenila éghir cheklimige uchrap turuwatqanliqi ilgiri sürülmekte.
 
Toluq bet