Ukra'iniyide stalinning acharchiliq siyasitining qurbanliri eslendi

Shenbe küni ukra'iniyining paytexti kiyéw hem bashqa sheherlerde 1932 - 1933 - yilliri stalin hökümitining pütün sowét ittipaqi boyiche mejburi yosunda kolléktiplashturush élip bérip, barliq ashliqlarni hökümetning qoligha yighiwélishi netijiside kélip chiqqan éghir acharchiliq weqeside netijiside 7 milyondin 10 milyon'ghiche bolghan ukra'iniyilikning achliqtin ölüp ketkenliki xatirilendi.
Muxbirimiz ümüdwar
2009-11-29
Élxet
Pikir
Share
Print

Bügünki künde ukra'iniyide bu acharchiliq hadisisige nisbeten oxshimighan köz qarashlar mewjut bolup, yenila shu stalin dewrini, sowét ittipaqini esleydighanlar mewjut. Emma yash ewladlarning köz qarishi bashqiche bolup, ular bu weqeni ukra'in millitini yoqitish herikiti hemde ukra'in xelqining paji'esi dep qarimaqta.

Ukra'iniye hökümiti acharchiliq dewrige a'it arxip matériyalliri tetqiq qilip we éniqlap, eyni waqitta acharchiliq keltürüp chiqarghan jinayetchilerning tizimlikini turghuzup, sot échishni békitken. Shundaq bolghanda, sotlinidighanlarning tizimlikining béshida sabiq sowét ittipaqi rehbiri stalin turidiken.

Bundaq acharchiliq 1932 - 1933 - yilliri qazaqistan we qirghizistan qatarliq ottura asiya jumhuriyetliridimu yüz bergen bolup, qazaqistanda eng éghir bolghan we zor sanda ademler ölüp ketken. Yette su rayonidiki Uyghurlarmu acharchiliqning qurbanlirigha aylan'ghan bolup, köp sanda Uyghurlar qirilip ketken hemde bir qisim Uyghur, qazaq we qirghizlar qoshna Uyghur éligha qéchip kélip, panahlan'ghan idi.

30 - Yillardiki acharchiliq sowét ittipaqidiki Uyghurlarning nopusining azlap kétishidiki muhim amillarning birige aylan'ghan idi. Emma, hazirche qazaqistan we qirghizistanda bu weqeni keltürüp chiqarghanlarni sotlash heqqide söz boluwatqanliqi melum emes.

Toluq bet