Ürümchide namayishqa iltimas sun'ghan 7 Uyghur tutqun qilin'ghan

Bügün büyük ira qatarliq xitayche tor betlerning xewer qilishiche, ürümchide jüme küni namayishqa iltimas sun'ghan 7 Uyghur tutqun qilin'ghan. Xewerde bildürülüshiche, mushu ayning 22 ‏- we 23 ‏- künliri ürümchide yene 22 Uyghur üstidin höküm élan qilinip, 5 ige ölüm jazasi we 5 ige kéchiktürme ölüm jazasi bérilgendin kéyin, weziyetning tereqqiyati kishilerni endishige salghan.
Muxbirimiz shohret hoshur
2009-12-29
Élxet
Pikir
Share
Print

Bolupmu, perzentliri tutup turuluwatqan we ghayip bolup ketken a'ililer, perzentlirining teqdiridin jiddiy shekilde endishige chüshken. Netijide bir türküm kishiler yenimu köp ölüm jazalirining aldini élish üchün, ötken sot hökümlirige qarita naraziliq namayishi ötküzüshni planlighan we jongxu'a xelq jumhuriyiti asasiy qanunining alaqidar belgilimilirige asasen, namayish üchün hökümetke iltimas sun'ghan.

25 ‏- Dékabir küni ular imza toplap hökümetke iltimas sun'ghan chéghida, ulardin 7 kishi saqchilar teripidin tutqun qilin'ghan. Melum bolushiche, nöwette bu 7 kishining 4 nepiri ürümchidiki tyanshan rayonluq tutup turush ornida tutup turulmaqta؛ qalghan 3 nepiri bolsa iz-déreksiz. Tutqun qilin'ghanlardin biri patigül isimlik 64 yashliq ayal؛ yene biri mahmut sabir isimlik 59 yashliq kucharliq kishi.

Bu qétimqi namayish iltimasi, 5 ‏- iyul tutqunliri heqqide échilghan eng yéqinqi sottin 2 kün kéyin sunulghan. Bu sot hökümliri bezilerde wehime peyda qilsa, yene bezilerde bashqa kelgenni körüsh tewekkülchilikini shekillendürüp qoyghanliqini körsetmekte.

Xewerdiki yip uchliridin qarighanda, pilanlan'ghan namayishning asasliq chonglar yeni tutqunlarning a'ile bashliqliri teripidin élip bérilmaqchi bolghanliqi melum bolmaqta.

Toluq bet