Ürümchide bir xitay eskiri charchap kétip ölgen, qehriman bolup kömülgen

Xelq gézitining xewer qilishiche, ürümchide wezipe ötewatqan Shen Zhandong isimlik bir xitay eskiri 29 ‏- yaniwar küni, charlash xizmitini tügetkendin kéyin, éghir charchashtin aghrip qalghan we 30 ‏- yaniwar küni etigende qutquzush ünüm bermey ölgen.
Muxbirimiz shohret hoshur
2010-02-02
Élxet
Pikir
Share
Print

Xitay hökümiti shén jendungning ölümini "shereplik ölüm" dep qarap, uning üchün bügün yeni 2 ‏- fiwral küni katta matem murasimi ötküzgen. Murasimgha Uyghur aptonum rayonning ürümchidiki yuqiri derijilik rehberliri toluq qatnashqan. Merkizi hökümet rehberliridin ju yünkang, méng jyenju qatarliqlar we bir qisim ölke bashliqliri shén jendungning ölümige alahide köngül bölgen we teziyename ewetken.

Shén jendung eslide ürümchide 5 ‏- iyul weqesi yüz bergendin kéyin, weqeni basturush üchün xitay ölkiliridin yötkep kélin'gen alahide saqchi qisim eskerliridin bolup, uning bügünki matem murasimigha jem'iy 2300 din artuq kishi qatnashqan.

Xelq gézitining bügünki bu heqtiki xewiride bildürülüshiche, xitaydin yötkep kélin'gen alahide saqchi qisimliri ürümchidiki xitay küchliri bilen birlikte hazirgha qeder jem'iy 3334 "jinayet gumandari"ni tutqun qilghan.

Toluq bet