Йеңидин тәйинләнгән даириләр муқимлиқни қоғдашни тәләп қилди

Үрүмчидики хитай миллитидин болған пуқраларниң кәң көләмлик наразилиқ намайиши нәтиҗисидә, хитай һөкүмити үрүмчи шәһириниң партком секритари ли җини вәзиписидин қалдурувәткәндин кейин, йеңидин тәйинләнгән партийә секритари җу хәйлүн шәһәрлик кадирлар йиғинида сөз қилип, пүтүн күчи билән шәһәрниң иҗтимаий муқимлиқини қоғдайдиғанлиқини билдүрди.
Мухбиримиз үмидвар
2009-09-06
Елхәт
Пикир
Share
Принт

Бу қетим йәнә җамаәт хәвпсизлик назаритиниң мәсулиму вәзиписидин қалдурулған болуп, бу вәзипиләргә тәйинләнгәнләр хотән вә ақсу вилайәтлиридә узун йил ишлигән адәмләр икән.

Әнглийә б б с агентлиқиниң хитай мәтбуатлиридин бу һәқтә нәқил кәлтүрүп тарқатқан хәвиридә ейтилишичә, нөвәттә шәһәр вәзийити тинчланған болсиму, лекин йәнила қалаймиқанчилиқ чиқиштин мудапиәлинип, қораллиқ сақчилар қамал қилишни бошаштурмиған.

Уйғур аптоном районлуқ партком даирилири үрүмчидики хәнзулар көп олтурақлашқан җайларға 600 нәпәр хадим әвәтип, тинчландуруш хизмитини башливәткән. Хитай җамаәт хәвпсизлик министирлики 8 - айниң оттурилиридин таки 4 - сентәбиргичә болған арилиқта җәми 531 адәмниң йиңнә билән зәхмиләнгәнликини бекиткән.

Бирақ, б б с ниң хәвиридә ейтилишичә, пуқраларда бу қетимқи әмәлдар алмаштуруштин рази болуши кәйпияти төвән болуп, бир нәпәр дукандар "әмәлдар алмаштуруш анчә чоң тәсир көрситәлмәйду, биз мәсилиниң һәл бөлүшни тәләп қилимиз" дегән. Һәтта сақчилар уйғурлар зич җайлашқан җайларда уйғурларниң сомкилирини ахтуруп тәкшүргән.

Хитай ахбарат васитилири үрүмчи намайиши җәрянида 14 адәмниң ярилинип, дохтурханиға елинип, 5 адәмниң өлгәнликини рәсми елан қилған қилған.

Пикирләр (0)
Share
Толуқ бәт