Yéngidin teyinlen'gen da'iriler muqimliqni qoghdashni telep qildi

Ürümchidiki xitay millitidin bolghan puqralarning keng kölemlik naraziliq namayishi netijiside, xitay hökümiti ürümchi shehirining partkom sékritari li jini wezipisidin qalduruwetkendin kéyin, yéngidin teyinlen'gen partiye sékritari ju xeylün sheherlik kadirlar yighinida söz qilip, pütün küchi bilen sheherning ijtima'iy muqimliqini qoghdaydighanliqini bildürdi.
Muxbirimiz ümidwar
2009-09-06
Élxet
Pikir
Share
Print

Bu qétim yene jama'et xewpsizlik nazaritining mes'ulimu wezipisidin qaldurulghan bolup, bu wezipilerge teyinlen'genler xoten we aqsu wilayetliride uzun yil ishligen ademler iken.

En'gliye b b s agéntliqining xitay metbu'atliridin bu heqte neqil keltürüp tarqatqan xewiride éytilishiche, nöwette sheher weziyiti tinchlan'ghan bolsimu, lékin yenila qalaymiqanchiliq chiqishtin mudapi'elinip, qoralliq saqchilar qamal qilishni boshashturmighan.

Uyghur aptonom rayonluq partkom da'iriliri ürümchidiki xenzular köp olturaqlashqan jaylargha 600 neper xadim ewetip, tinchlandurush xizmitini bashliwetken. Xitay jama'et xewpsizlik ministirliki 8 - ayning otturiliridin taki 4 - séntebirgiche bolghan ariliqta jemi 531 ademning yingne bilen zexmilen'genlikini békitken.

Biraq, b b s ning xewiride éytilishiche, puqralarda bu qétimqi emeldar almashturushtin razi bolushi keypiyati töwen bolup, bir neper dukandar "emeldar almashturush anche chong tesir körsitelmeydu, biz mesilining hel bölüshni telep qilimiz" dégen. Hetta saqchilar Uyghurlar zich jaylashqan jaylarda Uyghurlarning somkilirini axturup tekshürgen.

Xitay axbarat wasitiliri ürümchi namayishi jeryanida 14 ademning yarilinip, doxturxanigha élinip, 5 ademning ölgenlikini resmi élan qilghan qilghan.

Toluq bet