Уйғур елигә селиниватқан чәтәл мәблиғи көрүнәрлик ашқан

Уйғур елидә миллий тәңсизлик барғанчә еғирлишиватқанлиқи илгири сүриливатқан мәзгилдә уйғур елигә селиниватқан чәтәл мәблиғи бу йил киргәндин буян көрүнәрлик ешип, 396 милйон долларға йәткән.
Мухбиримиз җүмә
2012-12-22
Елхәт
Пикир
Share
Принт


Шинхуа ахбаратиға қариғанда, уйғур елигә бу йил биваситә селинған чәтәл мәбләғлири алдинқи йилдикидин 30.8 Пирсәнт көпәйгән.

Хәвәрдә нәқил қилишичә, уйғур аптоном районлуқ сода - санаәтни мәмурий башқуруш идариси башлиқи хе йимиң : чәтәл мәбләғлири райониниң санаәтлишиш қәдимини тезлитишкә пайдилиқ, дәп көрсәткән.

Һалбуки, уйғур көзәткүчиләрниң қаришичә, уйғур елигә селиниватқан һәр қандақ шәкилдики мәбләғ түри йәрлик уйғурларға һазирғичә көп мәнпәәт елип келәлмигән. Әксичә, бәзи пилансиз давамлаштурулуватқан аталмиш ечиш түрлири уйғур елиниң екологийилик муһитиға әслигә кәлтүргүсиз дәриҗидә бузғунчилиқларни салған.

Өткән йили германийиниң «волксвагон» ширкити үрүмчидә бир машинисазлиқ завути қурған иди. Әмма, бу завутниңму уйғурлардин қанчилик нисбәттә ишчи алидиғанлиқи һазирчә намәлум.

Пикирләр (0)
Share
Толуқ бәт