Уйғур аптоном райони хитай өлкилиридин алаһидә оқутқучи қобул қилмақчи

Тәңритағ тор бетиниң хәвәр қилишичә, уйғур аптоном районлуқ маарип назарити 5 - айниң 26 - күни уқтуруш чиқирип, 2009 - йили уйғур аптоном райониниң пүтүн мәмликәт миқясидин 9339 нәпәр оттура - башланғуч мәктәп " алаһидә оқутқучилири "ни қобул қилидиғанлиқини уқтурған.
Мухбиримиз миһрибан
2009-05-28
Елхәт
Пикир
Share
Принт

Бу қетим қобул қилинған бу оқутқучилар, уйғур аптоном районидики 13 област, вилайәттики 81 наһийидики мәктәпләргә сәплинидиған болуп, наһийилик мәктәпләр шундақла йезилардики мәктәпләргиму орунлаштурулидикән. Йеза мәктәплиригә қобул қилинидиған оқутқучилар чоқум " қош тиллиқ " болиши тәләп қилинидикән.

Уқтурушта йәнә, хитай өлкилиридики университетлардин, ғәрбни ечиш пиланиға қатнашқан студентларға, мунәввәр алий мәктәп оқуғучилириға, хитай өлкилиридин уйғур аптоном райониға келип һәрбий хизмәт өтәш муддити толғандин кейин давамлиқ уйғур илидә қалған әскәрләрниң җөрилиригә алаһидә етибар берилидиғанлиқи, уларниң имтиһан нәтиҗилиригә 5 номур қошуп берилидиғанлиқи алаһидә әскәртилгән.

Уйғур илидә, әслидики оттура, башланғуч мәктәп оқутқучилири, хитай тили сәвийиси төвән дегән баһанидә оқутқучилиқтин қалдурулуватқан, университетни түгәткән студентларниң хизмәт тепиш шараити қийин болуватқан мушундақ бир шараитта, уйғур аптоном район даирилириниң хитай өлкилиридин хитайларни әкелип, уйғур мәктәплиригә орунлаштурмақчи болуватқанлиқи, уйғур илидики наразилиқ кәйпиятлириниң күчийишигә сәвәб болмақта.

Пикирләр (0)
Share
Толуқ бәт