Април ейидин етибарән уйғур елидики алий мәктәпләрдә икки айлиқ бөлгүнчиликкә қарши туруш тәрбийә һәрикити башланди

Хитай мәркизий комитети уйғур аптоном райони секретари ваң лечуәнни вәзиписидин қалдурушни қарар қилған бу күнләрдә уйғур елидики алий мәктәп оқуғучилири арисида милләтләр иттипақлиқи вә миллий бөлгүнчиликкә қарши туруш тәрбийә һәрикити башланған.
Мухбиримиз үмүдвар
2010-04-25
Елхәт
Пикир
Share
Принт

Шинхуа агентлиқиниң хәвәр қилишичә, бу паалийәткә уйғур елидики 14 алий мәктәп қатнашқан болуп, уйғур аптоном районлуқ иттипақ комитетиниң муавин секретари җу гаң мәзкур һәрикәткә изаһат берип, буниң мәқситиниң "шинҗаңдики һәр милләт алий мәктәп оқуғучилириниң вәтәнниң бирликини қоғдаш, милләтләр иттипақи вә иҗтимаий муқимлиқ еңи вә қәтийиликини техиму ашуруш" икәнликини көрсәткән.

Хәвәрдә көрситилишичә, мәзкур башлиқ йәнә бу арқилиқ "һәр милләт алий мәктәп оқуғучилириниң милләт билән дөләтниң мунасивитини тоғра тонуп йетип, уларниң дөләтниң алий мәнпәәтини қоғдаш еңини өстүргили болидиғанлиқи"ни тәкитлигән.

Уйғурларниң, болупму уйғур яш - өсмүрлириниң вәтәнпәрвәрлик тәрбийисигә көңүл болуш илгирила мәйданға чиққан шоар болсиму, бирақ өткән йилидики 5 - июл вәқәсидин кейин хитай һөкүмитиниң бу хил тәрбийини техиму күчәйтиватқанлиқи, бу тәрбийиниң асаслиқи уйғурлар арисида күчәп тәшвиқ қилиниватқанлиқи мәлум.

Пикирләр (0)
Share
Толуқ бәт